ഇന്ത്യയുടെ മിസൈല് പദ്ധതികളില് പ്രവര്ത്തിക്കുമ്പോള്, പ്രതിസന്ധികളെ അതിജീവിക്കാനുള്ള കരുത്ത് എവിടെനിന്നാണ് ലഭിക്കുന്നത് എന്ന് പലരും എന്നോട് ചോദിക്കാറുണ്ട്. മുന്ഗാമികളായ സ്ത്രീകളുടെ പോരാട്ടവീര്യമാണ് അതിനുള്ള ഉത്തരം. ഈ പുസ്തകത്തില് പരാമര്ശിക്കുന്ന ഓരോ ജീവിതവും അത്തരമൊരു ഊര്ജ്ജസ്രോതസ്സാണ്. ലോകം ആദരിക്കുന്ന പല പുരുഷപ്രതിഭകളുടെയും വിജയങ്ങള്ക്ക് പിന്നില് നിശബ്ദരായി പ്രവര്ത്തിച്ചവരും, സ്വന്തം നേട്ടങ്ങള് മറ്റുള്ളവര്ക്കായി വിട്ടുകൊടുക്കേണ്ടിവന്നവരുമായ സ്ത്രീകളുടെ ഈ കഥകള് വായനക്കാരുടെ ഉള്ളുലയ്ക്കും എന്ന കാര്യത്തില് സംശയമില്ല.
നമ്മുടെ കുട്ടികള്ക്ക്, പ്രത്യേകിച്ച് പെണ്കുട്ടികള്ക്ക്, ആത്മവിശ്വാസത്തോടെ മുന്നേറാന് ഇത്തരം മാതൃകകള് അത്യാവശ്യമാണ്. ശാസ്ത്രം, കല, സാമൂഹിക സേവനം തുടങ്ങിയ മേഖലകളില് സ്വന്തം വ്യക്തിമുദ്ര പതിപ്പിച്ചിട്ടും അംഗീകാരങ്ങള് ലഭിക്കാതെ പോയ സ്ത്രീജന്മങ്ങള്ക്ക് നല്കുന്ന ഏറ്റവും വലിയ ആദരമാണ് ഈ പുസ്തകം
