ബിജു കൊട്ടപ്പുറത്തിന്‍റെ കഥകളെ പ്രസക്തമാക്കുന്നത് നോവിനെ അതിജീവിക്കാനുള്ള ഹൃദയത്തിന്‍റെ പിടച്ചിലുകളെ സത്യസന്ധവും ആത്മാര്‍ത്ഥവുമായി ആവിഷ്കരിക്കുന്നു എന്നിടത്താണ്. കഥാപാത്രങ്ങളുടെ മാനസിക ചലനങ്ങളെ പൊടിപ്പും തൊങ്ങലുമില്ലാതെ ഹൃദയസ്പര്‍ശിയായി ഒപ്പിയെടുക്കാന്‍ ഈ തൂലികയ്ക്ക് കഴിയുന്നു.

ഏത് അഗ്നിപരീക്ഷയെയും നേരിടാന്‍ സ്നേഹത്തിന്‍റെയും വാത്സല്യത്തിന്‍റെയും മൃദുസ്പര്‍ശനത്തിനു സാധിക്കുമെന്ന കരുത്തുറ്റ സന്ദേശമാണ് ഈ കഥാസമാഹാരത്തിന്‍റെ ആന്തരശ്രുതിയായി മുഴങ്ങിക്കേള്‍ക്കുന്നത്.