ബുദ്ധിസാമർത്ഥ്യത്തിനുപരി, സരളഹൃദയത്തിന്റെ തുടിപ്പുകളാണ് ഇതിലെ ഓരോ വാങ്‌മയചിത്രത്തേയും ഉജ്ജ്വലമാക്കുന്നത്. അതിന് ചേരുന്ന ബിംബകല്പനകൾ ഈ കൃതിയിൽ സ്ഥാനംപിടിക്കുന്നുണ്ട്. ഓരോ ബിംബവും ഓരോ അനുഭവപ്രപഞ്ചത്തെയാകും നമ്മുടെ മുമ്പിൽ തുറന്നുവയ്ക്കുക. ചിലപ്പോൾ ഒന്നിന് പിന്നിൽ അനേക പ്രപഞ്ചങ്ങൾതന്നെ ഒളിഞ്ഞിരിപ്പുണ്ടാകും. ലാവോത്സുവിന്റെ സിഡിവദവം ഈ തലത്തിൽ അന്യാദൃശമാണ്.